Shillong: Ka All India Football Association (AIFF) ka la pdiang ia ka Meghalaya Football Association (MFA) ba kan pyllong ia ka eksamin AFC ‘B Diploma Course’ bad ia ka Futsal Level 1 course ha Shillong, Meghalaya ha une u snem 2019.
Ka AFC B ‘Diploma’ Course (Module 1) kan long naduh ka 12-18 Jylliew 2019 bad ka AFC Futsal Level 1 Course kan long naduh 05- 10 Naitung 2019.
Halor kane, kiba kwah ki lah ban peit na ka the-aiff.com. bad ki dei ban phah noh shwa ka 26 tarik Jymmang 2019.
Ki kyndon na ka bynta ka AFC B ‘Diploma’ Course (Module 1) ka long tang kito kiba la ioh ia ka syrnot C Licence Coaches, bad ia ka AFC Futsal Level 1: ki dei ba la ioh ia ka D Licence Coache.
Kiba kwah ki dei ban aplai da ka online bad ia kano kano ka jingtip lah ban ioh na ka oophis ka Meghalaya Football Association lane na u Shubham Kapoor ka AIFF ha ka email: [email protected]. Kane ka long ka kyrwoh na u CEO ka MFA u bah Arki Nongrum.
Phi don ban ong eiei?