AizawI: Ka la don ka jing ialeh, kaba jubor bha hapdeng ki riew paidbah, kiba ialeh pyrshah ia ka jing synshar shipai ha Myanmar, kaba la poi mynta sha u pud jong ka Mizoram.
La iathuh ba ki nong kyrshan jong ka sorkar, ba la shah pynduh bor noh, lane ka National Unity Government (NUG), kiba khot ia ka jing iakhun pyrshah ia kane ka synshar shipai, ki la sdang ban wan phet rieh ialade sha Mizoram, naduh ka 7tarik Nailur, 2021, ha kaba ki la khot ia ka jing ialeh pyrshah ia katei ka synshar shipai.
La iathuh ba mynta, ki don 150ngut kiba la rung rung sha Mizoram, na katei ka jingshah thwet bad shah pynhiar kput, ha ki shipai ka Myanmar.
La iathuh ruh, ba ka ka la don ka jing ia siat kaba jur bha ha Thingsai, ka shnong kaba don ha syndah jong ka Mizoram, ha Hnahthial District, ha kaba ka jing ia siat ka long hapdeng ki nong kyrshan ka sorkar, kaba la shah weng bad ki shipai, kaba la jia naduh ka sngi thohdieng. Ka NUG, ka dei ka kynhun jong ki nong mihkhmat kiba rim, kiba la shah pynduh bor noh ha ki shipai.
La iathuh ba ha ka jing ialeh, ki don 15ngut ki shipai kiba la iap bad ki don sa 36 tylli ki iing, kiba la shah thang ingkhong, da ka jing pynbthei da u bom.
Phi don ban ong eiei?