Shillong:U Bah Sanbor Shullai, MLA ula thoh sha U Amit Shah, myntri kam poh iing ka sorkar India, ha kaba ula dawa, na ka bynta ban pynbeit noh ia u pud u sam hapdeng ka Assam bad ka Meghalaya.
U Bah Sanbor, u ong ba ki don ki jaka, ba ka ju don ka jing ia kynad hapdeng ki ar jylla bad katei ka ju pymmih ka jing ia pyni bor hapdeng ki ar tylli ki jylla. La ong ruh ba kitei ki briew, ki mad ia shibun ki jingeh, ha ka jingsahdien ki kam pynroi, namar ba ym lah satia ban ai ia ki lad pynroi, na ka jing ia knieh pud jong ki ar tylli ki Jylla.
La ong shuh U Bah Sanbor Shullai, ba ka sorkar India, ka la rai ban pynbeit noh ia ka jing ia kajia pud hapoh u snem 2021 bad kumta, u dawa na ka sorkar India, ba kan pynbeit noh ia ka jing ia kajia jong ka Assam bad ka Meghalaya, ha shwa katei ka por.
Phi don ban ong eiei?