Jowai: U District Magistrate ka West Jaintia Hills mynta ka sngi u la pynbna biang sa kawei ka iing kaba dei trai da u ma Hunbait Challam ha Dulong Jowai na ka daw ba la don kiba iabit ia u Khniang jingpang Covid-19. La pynbna micro containment area ia katei ka iing khnang ban iada ia ka jingsaphriang utei u khniang bad ba ki briew jong ka tnad ka koit ka khiah kin ioh ban pyndep ia ki jingdonkam kiba kynthup ia ka Contact Tracing bad kiwei kiwei.
Katkum katei ka hukum la khang pyrshah ban iarung iamih bad la aiti ha u Asst, Sector Magistrate Urban area ban peitngor halor kane.
la khang ia ki paidbah ban leit rung sha katei ka jaka bad ia ki dkhot ka longiing kin hap ban set khop ha la iing tad haduh ban da pynbna da kumwei pat.
La kyntu ruh ba ki paidbah kidei ban bud ryntih ia ki kyndon jong ka tnad ka koit ka khiah bad ruh ki kyndon ka sorkar.
Phi don ban ong eiei?