Pynmih ka Avani Institute of Design ïa ka Avani Reach Programme na bynta ki khynnah ba kwah pule ia ka Architecture

Shillong 09 Jymmang: Ka jingpule ia ka subjek Architecture ka la nang kiew hapdeng ki khynnah kiba na ka thain shatei lam mihngi ka India, ha kaba bun na ki, ki la thep klass ban ioh pule ha ki jaka pule kiba hikai ia ka design ha kylleng ka ri.

Ha ka Avani Institute of Design ha Kerala, lah ïohi bha ïa kane ka jingkylla ha kaba ka jingthep klass na ka thain ka la nang kiew ha kine ki snem.

Ban nang pynkhlaiñ shuh shuh ïa ka jingïasnoh kti bad ka thain, ka Avani kan wanrah ïa ka Avani Reach Programme sha ki nongbah kiba na shatei lammihngi ha une u snem 2025. Kane ka jingsdang kaba thmu na ka bynta ki khynnah high school bad higher secondary kiba don ïa ka jing sngewtynnad ha ka design, architecture bad ki visual arts, ka la seisoh ha Bangalore, Trivandrum, Coimbatore bad Dubai.

Ka jingthmu jong kane ka long ban ai mynsiem bad kyrshan ia ki khynnah samla kiba don ka sap na ka bynta ki kam ban shna ia ki jingshna ba kin jied ïa ka architecture kum ka rukom ban pynpaw ia kaei kaba ki sngew wanrah bad tei ruh ia ka imlang sahlang.

U Ar. Tony Joseph, Chairman bad Principal jong ka Avani Institute of Design, u ong, “Ngi la ïohi ïa ka jingkiew ha ka jingdon jong ki khynnah na Sikkim bad na kiwei kiwei ki jylla ba na shatei lamihngi kiba jied ïa ka architecture ban pynwandur ïa ka mariang bad ka lashai. Ka long ka thaiñ ba ngi burom bha, bad kadei ruh ka thain kaba ngi kyrmen ban nang ïoh ban ïatreilang kham jan shuh shuh.”