Nongpoh:Ka ophis jong ka District Labour, Ri Bhoi District, Nongpoh ka khot ia ki nongbylla sngi, nongtrei job card, nongrep, ASHA, angan wadi, angan wadi helper, nongdie dukan, nongniah kali kamai, nongtrei iing bad baroh ki kam ba kynthup ha ka unorganized sector, kiba la don 16-59 snem ka rta ba ki dei ban leit register ialade ban long kum ki dkhot hapoh ka E-Shram Portal lyngba ka website www.eshram.gov.in lane lyngba ka Common Service Centre (CSC) ne Cyber Café da kaba rah lang ia ka Aadhar Card, Mobile Number bad Bank Account.
Kino kino kiba la pynrung kyrteng ialade kum ki dkhot lyngba katei ka Portal, kin shah kynthup ha ka accidental death insurance kaba kot 2 lak tyngka lane ka jingiarap kaba 2 lak na ka sorkar, lada don kiba khlad mynsaw. Ka sorkar kan pynrung ruh ia ki jingiarap bapher bapher ba mih na ka bynta ka bha ka miat jong ki dkhot ha ka por ba ki shem jynjar kum ha kaba wan lynshop ka khlam, eriong, jumai bad kiwei kiwei.
Phi don ban ong eiei?