Nongpoh: Ka Federation of Khasi Jaintia & Garo People, North Khasi Hills District, ka la pynpaw ia ka jingpyrshah kaba jur halor ka jingthmu jong uwei u bar jylla ban buh Petrol Pump ha Pahamlang 17mer ha Ri Bhoi District.
Ban pynpaw ia ka jingpyrshah halor katei ka jingthmu buh Petrol Pump da utei u Bar jylla uba la tip kyrteng kum u Dilip Kumar, na Fulbari, West Bengal, na ka liang ka FKJGP, ka la ujor sha ka ophis ka Deputy Commissioner ka Ri Bhoi, na ka bynta ban dawa ba ka dei ban pynsangeh halor ka jingthu buh Petrol Pump da utei u bar jylla.
Namarkata, haba iadei bad katei ka jingthmu da utei u Bar jylla ban buh Petrol Pump ha Pahamlang 17mer, na ka liang ka FKJGP, lyngba u Bah Luistar Lyngdoh, General Secretary ka FKJGP ha Ri Bhoi, ka la kyntu ia ka opphis ka Deputy Commissioner ba kam dei ban ai jingbit ia utei u Bar jylla ba un buh Petrol Pump, ha katei ka jaka kaba dei ruh ka jaka jong ki Khasi, namar kum ka seng hi kam lah ban pdiang ba u Bar jylla uba sah ha kiwei ki jaka, ba un wan leh ia ki kam khaii hapoh ka jylla.
Phi don ban ong eiei?