Ka tnat ka koit ka khiah ha ka jingiatreilang bad ka NACO bad ka MACS ka la pynlong ia ka jingialap paidbah halor ka jingma kaba mih na ka jingngop bad kyrni ha u Drok.
La pynlong ia kane ka programme shi bynta ban kynmaw ia ka sngi ban ieleh pyrshah ia u Drok lane ka ‘International Day Against Drugs Abuse and Illicit Trafficking’. Ia ka jingialang la pynlong ha Mawlai Phudmuri Presbyterian Higher Secondary School.
U bah H Thabah.Officer In-charge ka Mawlai Police Station haba ai jingkren u la ong, ia ka sngi kynmaw ban pyrshah ia u Drok la mynjur lyngba ka Resolution da ka United Nation General Assembly ha u bnai Nohprah 1987.
Ka phang pdeng jong kane ka jingrakhe ba mynta u snem ka long ‘Breaking the Chain-Prevention, Treatment and Recovery for all’, kaba mut pynkut noh ia ka jingshah teh kynjri ki nongdih ha u Drok, ban ai jingsumar ia baroh khnang ba kin lait noh na ka jingshah tehmraw ha u drok.
Phi don ban ong eiei?