Ki don da ki phew hajar tylli ki taksi, kiba la shu set khop ha ki madan jong ka sor bah London bad ka daw, ka long ba ka kamai kajih, ka la hiar shaba palat, na ka daw jong ka khlam corona.
Ka tnat ba peit ia ka jing kamai ki kali ha London, ka pyni ba ki kali kiba ioh kamai, ki la nang hiar ha kine ki sngi, ha kaba ha U Jylliew, ka long 18,900 bad ha U Risaw, ka hiar tang sha ka 15 hajar tylli ki taksi kamai.
Haduh mynta, ki don tang 20 percent ki taksi, kiba dang iaid kamai ha ka nongbah London, katba kum ka jingtip, ba la ai da ka Licensed Taxi Drivers’ Association.
U Steve Mc Namara, General Secretary, katei ka seng, u iathuh ba ki taksi kamai, ki shu ioh salit salat ha ka shi sngi shisngi bad mynta ki don bun ki nongniah kali kiba die tad noh ia ki taksi jongki, ha ka jingkutlad na ka jingsniew kamai kajih.
Uwei na ki nongniah taksi ha katei ka sor bah, U Andy Biggs, 63, u iathuh ba ha ki por sniew kamai ha kine ki sngi, kan jin da la long kaba bha kamai, lada u ioh leit on briew tang lai sien ha ka shisngi.
Phi don ban ong eiei?