Shillong: Ki pulit ka East Jaintia Hills District Police, ki la ioh kem ia saw ngut ki dkhot jong ka HNLC, kiba trei kum ki riew paidbah bad kiba donkti ban pynbthei bom IED ha ka Police Reserve ha East Jaintia hills District.
Ka khubor pulit, ka iathuh ba kitei ki saw ngut, ki la phla ba ki ia leit da kawei ka kali bad ki la leit beit beit sha Police Reserve ban pynbthei bom.
Katei ka jingleit jongki, ka dei ha ka miet jong ka 13 bad 14tarik Naitung 2021, ha kaba ha katei ka jing bthei bom, la don uwei u pulit, uba mynsaw.
Ha kawei pat ka jingjia, ki pulit, ki iathuh ba ki la ioh kem ia ki arngut ki dkhot jong ka HNLC, kiba pynher ia ki lama jong ka HNLC, ha u snem 2019 bad kiba don jingthmu ruh ban pynbthei bom ha ka karkhana coke ha Khliehriat.
“Ka jingtohkit, ka dang iaid bad ka jingwad ia kiwei pat kiba donkti, ka dang iaid” ong ka khubor.
Phi don ban ong eiei?