Mumbai: Ka nonghikai na ka skul kaba pawnam bha ha Mumbai, ka la shah kem, na ka daw ba ka bat bor ia uwei u khynnah skul jongka, la bun phew sien, ha ki shisnem kynthih. Katei ka nonghikai, ka leh ia katei ka kam runar jongka, ha kiba bun ki jaka, ba kynthup ha ki hotel kiba pawnam jong ka nongbah Mumbai.
La kem ia katei ka nonghikai, ha ki kyndon jong ka Pocso bad ka Juvenile Justice Act bad mynta ka don ha kti jong ki pulit ha Dadar.
Utei u khynnah, uba la mad ia katei ka apot jot, ula phla ha ki kmie ki kpa jongu, mar ia kut ka eksamin Secondary School jongu, haba katei ka nonghikai, ka la phah leit shaw ha ka nongtrei jongka ia utei u khynnah, da kaba ai daw, ba ka mut ban pynkhreh kot.
Katei ka nonghikai ka la shah ejahar bad nalor jongka, ka don kawei ka paralok jongka ruh, kaba la pynbor ia utei u khynnah, naduh u snem 2024 ba un kohnguh ia ka jingkwah bat bor katei ka nonghikai. Katei ka nonghikai, ka iathuh ruh, ha utei u khynnah, ba ka jingiathiah tnga, ka ju jia bha hapdeng ki khynnah shynrang bad ki kynthei kiba la rangbah.
Phi don ban ong eiei?