Shillong:Mynhynnin ka sngi ki pulit jong ka Anti Narcotics Task Force (ANTF), East Khasi Hills, ki la ioh ban kem ia u UBC/1160 Mebanson Shylla, (34) uba na Langkyrding bad U Franky Wahlang, uba na katei hi kajuh ka shnong.
Kham hadien, ha ka jingialam jong U Mebanson Shylla, la ioh ban kem ia U Zangkhol, A.L, (58) bad U Vicky Kipgen, (20) na iew Madanriting.
Ki pulit, ki la ioh ban kurup ia 0.17 gram u droks na U Mebanson Shylla, 4.13 grams na U Franky Wahlang bad 42.39 grm na U Zangkhol, A.L. La lap ruh da ki pulit, ba U Vicky Kipgen, u dei uba ju wan kit droks na Manipur sha Shillong.