Shillong: Uwei u khynah samla ia uba la tip kyrteng kum u Anthony Langstieh, 25 snem ka rta uba shong ba sah ha Mawlai Phudmuri u la shah tynrah ha kawei ka kali Bolero pickup ha Golflink ha lynti ban leit sha Mawlai Mawroh.
Katkum ka jingiathuh jong ki pulit, la iathuh ba kane ka jingjia ka la jia hakhmat khyrdop jong ka Police Training School (PTS) ha ka por 9:45 mynmiet.
Une u khynnah samla u la mynsaw jur hadien ba u la shah syllad ha kane ka bolero pickup bad la kit mardor ia u sha Shillong Civil Hospital da ki paralok jing u kiba iadonlang bad u ha ka por ba wanlam kane ka jingjia bad hadien kane ka kit noh pat ia u sha Supercare Hospital na ka bynta ka jingsumar kaba paka.
Na ka liang ki pulit ki la register case halor kane bad ki la pynlong ia ka jingtohkit ban lap ia u nongniah jong kane ka Bolero pickup hadien ba u la phetkrad mar iadep tynrah ia utei u samla.
Phi don ban ong eiei?