Shillong: U Conrad Sangma, myntri rangbah ka jylla, u thoh mynta ha ka X, ha kaba u iathuh ba la lah ban shalan ia 10 metric tonne u sohmrit (black pepper), ba la rep da ka Kerupara and Dingampara Integrated Village Cooperative Societies (IVCS) kaba ha Zikzak block, South West Garo Hills bad la phah ia utei u mar rep sha Mumbai bad katei ka dei ka jingshalan kaba bun bha ha ka sien kaba ar, ha kaba la shalan 11 ton ha u snem 2023.
Da ka jingkyrshan lang ka MBMA & M-LAMP, kumta ia utei u mar, uba pynmih bha na Garo hills, la ioh ban shna kamai. La pyndonkam ia u sohmrit, da ki kompeni ba paw bha, ha ka jingshna masla. Ula ong ruh ba ka jur bha, ka jingdawa ia ki mar rep, kiba mih hi na ka sboh mariang bad kaba plie lad ia ki nongrep, ba kin iaid da katei ka rukom rep.
Phi don ban ong eiei?