Ki shipai suin jong ka India, ki la khanglad ia ka jinghiar thma jong ka Pakistan, ha ka ktem jong ki shipai ryngkew kaba don ha Jaisalmer, ong ka khubor. Mynta ka jingpahara ka jubor bha, ha ka kad liengsuin jong ka Srinagar, kaba don ha Jammu & Kashmir bad la pynkhlain bha ia ka jingiada da ki tiar kiba treikam ha suin bneng lane ka Air defence system, namar ba ka don ka jingthmu ban siat da ki drone sha ka kad liengsuin jong ka Srinagar.
Ka Pakistan, ka la siat phra tylli ki namding sha ki bynta jong ka Satwari, Samba, RS Pura bad Arnia ha Jammu and Kashmir bad kitei ki la shah siat pynhap noh ha ki tiar iada jong ki shipai India.
Kat haduh ba thoh ia kane ka khubor, ka jingiasiat ka dang jubor bha ha Samba bad ki don ar tylli ki drone ka Pakistan, kiba la siat pynhap hajan ka Jammu University.
Ki air defence system jong ka India, ka la siat pynhap ia kawei ka liengsuin iapom jong ka Pakistan, ka F-16 bad sa ar tylli ki JF-17s bad ka jingiasiat, ka dang jur bha mynta ha Jammu, Punjab bad ha ki bynta jong ka Rajasthan.
Phi don ban ong eiei?