Shillong: Ki dkhot jong ka Measel and Rubella Campaign ka East Khasi Hill District ki la pynlong ka jing ia kynduh bad ki kotkhubor, ha ka 6 tarik u Jymmang myn hynnin ka sngi, haba la ia don ryngkat u Dr Robert R Marak, District Nodal officer for measles and rubella campaign ha East Khasi hills district,u Dr Roy jong ka World Health Organization, bad ka Dr Sabrina na ka Indian academy of Paediatrics.
La pynlong ia kane ka jingiakynduh ka long ban pyntip ba kane jing iaid injekshon, kam shym long kaba jop namar naduh ba la sdang ia ka ha Risaw 2018. La iathuh ba ka jingbuh thong ban ai dawai tika ka long haduh 11,50,000 ngut ia ki khyllung kiba naduh ka rta kaba 9 bnai haduh 15 snem, hynrei mynta lah palat 5 bnai ngim shym pat lah ban poi sha kata ka jingthmu. Na ki 11 tylli ki district haduh 10 tylli ki la lah ban poi sha ka thong, kata ba ki la lah ban pyndep haduh kumba 95% ka jingai dawai tikka.
Ha East Khasi Hill ka jingbuh thong ka long ban ai dawai 2,85,000 ngut ki khyllung bad khynnah. Haduh kine ki sngi la dang lah ban pyndep tang 2,24,000 ngut ki khyllung bad khynnah, kaba long 79%. Ka daw ka long ba ki don bun ki jaka bad ki shnong ki kyntoit kiba la kyntait war ban shim ia ki dawai tika na kiba bun ki daw bad kiba long ki daw shimet, ka jingngeit niam ka jong ki, lane ka jingbud dustur ka jongki.U Dr Robert R Marak dist nodal officer for Measles and Rubella Campaign u la ong, “Kumta ngi kyrpad jur ia baroh ki kmie ki kpa jong kito ki khun ki bym pat ioh satia ia ki dawai tilkka ba kin leh noh kumta khnang ba yn lah ban iada na ki khniang Measles bad Rubella.”
U Dr Marak u la ban jur ba lada ki khyllung kiba naduh 9 bnai haduh 15 snem ka rta kim shim ia ki dawai tikka, kin long kiba kloi ban ioh kem pang, namar ba ka met jong ki kan ym lah ban ialeh pyrshah ia ki khniang ne ki virus.
“Lada ki khyllung kim ioh ia ki dawai tikka, uto u virus un neh sah ha ka met jong ki bad ki lah ban ioh jingpang kiba laiphew jait,” la ong u Dr Robert Marak
Phi don ban ong eiei?