Washington: U heh spah tam jong ka pyrthei, u pynlut por khyndiat minit ban leit kai sha ka haw haw mynta ka sngi, lyngba u roket jongu, uba la ai kyrteng Blue Origin.
“Ngi dei ki briew, kiba hun mynsiem shi katdei, kiba don ha kane ka capsule” ong U Bezos, hadien ba ula wan phai na ka jingleit her sha ka haw haw bad ba u hiar khyndew ha ka ri shyiap ha Texas, kaba shim por shiphew minit.
Kitei ki saw ngut, ki ia khublei bad ia kdup ieid, ia la ki jong kiba ha iing jongki, mar ia mih na katei ka capsule.
Katei ka New Shepard capsule, ka leit her ha ka jingjrong kaba haduh 66.5 mer lane (107 kilometers), ha kaba ki nongshong ha katei ka capsule, ki mad ia ka jing jah jingkhia jong ka met, ha kaba ki don ha ka bynta kaba khun jong ka pyrthei.
Kham mynshwa, U Richard Branson, uba dei u trai ka Virgin Galactic, ula leit her sha ka haw haw, ha ka 11tarik Naitung 2021, da kaba u ioh ban long uba nyngkong duh ban her sha ka haw haw.
Phi don ban ong eiei?