Ka nonghikai ha China, ka ioh da kawei ka buit bad kata ka long ba ki khynnah skul jongka, kin shong beit bha ha ki jaka shong jongki bad ba kin sngap bha ia ki jing batai kot bad kata ka long, da kaba ka phah tap na khlieh jongki, da ka kot pule jongki hi.
La iohi ha ka dur, ba baroh ki khynnah, ki shong ha ki kamra klas jongki bad ki tap na khlieh da ki kot pule jongki bad katei ka jingjia, ka dei ha Nanyang, kaba don ha Henan jong ka Jylla China.
Ka jing pynneh ia ka kot ha khlieh jong ki khynnah, ka long namarkata ba kin hap ban shong beit khop bad shong pynbeit met, katba ki dang sngap ia ka jing batai kot bad ki dang thoh jingthoh ruh.
Kam dei tang ha katei ka Jylla, hynrei la iathuh ba ha kawei ka skul ha Jiangsu, east China, ki leh hi da katei kajuh ka rukom, namar ba ki don bun ki khynnah kiba byrie, namar ba ka rukom shong jongki, kam biang.
La iathuh ba ki don bun bha ki khynnah kiba byrie ha China bad jan mar shiteng na ki nongshong shnong, kiba don hapoh 18 snem ka rta, ki long byrie ki khmat jongki bad ki khynnah high school lei, ki shah ktah bha na katei ka jinglong.
La iathuh ba ki don 81 percent ki khynnah skul ha China, kiba ha ka rta kaba 16 haduh 18 snem ka rta, kiba don ia katei ka jing byrie ki khmat jongki, katba 14.5 percent kiba hynriew snem ka rta, kiba la deng iit khmat.
Phi don ban ong eiei?