Shillong: U bah Samuel Hashah u thep kyrteng mynta ka sngi kum u kyrtong shimet na ka bynta ka elekshon MP sha ka Lok Sabha na Shillong Parliamentary constituency.
Haba kren sha ki lad pathai khubor, u bah Hashah u la maitphang ia ki mat ba un iasaid iaka jylla ba kynthup ia u pud u sam hapdeng ka Meghalaya bad ka Assam, bad kumjuh ia u pud u sam bad ka Bangladesh.
U bah Samuel ula buh thong ba lada un poi sha ka thong ka jingjop, un iasaid ia ki jingeh ka jaitbynriew bad ki nongrep kiba la shah iehbein haduh kine ki sngi. “Ki nongrep ki la shah iehbein bad ki la duk namar ba ki la shu rep da kijuh ki rukom hyndai bym don ba hikai ba wanrah da ki buit ka juk stad”, u la ong.
Kum u nongialehkai, u bah Samuel ula buh thong ruh ban kyntiew ia ki jingialehkai ha ka jylla namar ba u sngewthuh bha ia ki jingeh jongki. “Ngan iasaid ruh ia ki jingeh ki nongialehkai, ka pule puthi bad ka ioh kam ioh jam ka jylla”, u la ong.
Haba kyrpad ia ki paidbah ban ai ka jingkyrshan, u bah Hashah u la ong ba lada ki paidbah kin ailad ban long kum u MP, un long kum u rangkynih rangphawar ban iasaid ban pynsngew ia ki jingeh ka jaitbynriew ban khang lad ia ka jingwan ki briew nabar da kaba wanrah da ka Inner Line Permit (ILP) bad ban pyrshah jur ia ka Citizenship Amendment Bill (CAB).
Phi don ban ong eiei?