Shillong 30 K’Lyngkot: U bah Banpyrkhat Nongrang u Kyrtong ka Voice of The People Party (VPP) na 22-Nongspung Sohïong konstitwensi ha ka sngi palei ka 30 tarik kyllalyngkot 2025, u la wan ban thep kyrteng ialade ha DC ophis, Shillong ban ia aireng ha kane ka ilekshon MDC ha District Council.
Ia u bah Banpyrkhat Nongrang la wan ban synranlang da ki bahaiing hasem ryngkat ruh bad ki katto kattne ngut ki nongkyrshan.
Ha ba kren sha kilad pathai hadien ba la dep thep kyrteng u bah Banpyrkhat Nongrang u la ong, ba ki don shibun kimad ki ba ka party ka la buh ha ka ba iadei bad ka manifesto bad ha kine ki khyndiat sngi ka party kan sa ioh ban pyllait bad u hap ban iaid beit katkum ka manifesto jong ka party.
Ka Sohïong kadei kawei ka konstitwensi ka ba shongshit bha haba phai sha ka ilekshon la kalong ha ka ilekshon MLA ne MDC, nakaliang u bah Banpyrkhat ula ong, ba ha ka jingiaid lynti jong ka party ka ba dangthymmai ka ba dangiaid dang lai snem, kam pat shem la ioh ban pynieng kyrtong ha kane ka ilekshon MLA ba la dep bad mynta ka party ka la ioh ban pynieng ianga kum u kyrtong ban aireng ha kane ka ilekshon MDC.
Kumta u la ong ba Um kwah ban iakhun pyrshah ia kiwei pat ki ki kyrtong, hynrei ka thong ka jongu kalong ban leit beit sha u paidbah ban pyniadei bad u paidbah, bad ban pynsngewthuh ia ka nonngrim jong ka party ha ka ba iadei bad ka synshar ka khadar ka ba khuid ba suba.
U bah Banpyrkhat u la ong ruh, ba ka politik ha Sohïong hi ka dei beit ka jingiakynthoh ka jingiakynnoh iwei ia iwei pat, hynrei ha kane ka kynti ba mynta naduh ba mih ka party VPP ha Sohïong hi ngim kwah ban leh shongshit lane ka nongrim jong u Prah kam pjah.
Shuh shuh u la ong, ba ” Haba iohi ia ka jingkren ki paidbah ka Sohïong konstitwensi ki ong ba u Prah ha Sohiptu pjah, hynrei katkum ka jingiaid lynti jong u, u shem, ba u Prah ha Sohïong u long u ba rhem, nalor katta u la kyrmen ruh, ba ngin poi sha ka thong.
Phi don ban ong eiei?