New Delhi: Ka India, ka la ther bom, ha ki lai tylli ki kad liengsuin jong ka Pakistan bad ka dei na katei ka daw, ba ka Pakistan, ka sa khang noh ia ka leit ka wan na suin. Ha kawei pat ka khubor, la iathuh ba ki siren ki la pah la arsngi kynthih ha Jammu, namar ba ka Pakistan, ka bteng ban siat namding, ha Jammu and Kashmir, ba kynthup ia ka Poonch bad ka Uri. Ka la don ruh ka jingbthei kaba jur bha ha Jammu, ha ka sngi kaba ar ka jingialeh kaba iai bteng hapdeng ki ar tylli ki ri.
La lap ia u namding jong ka Pakistan, uba la hap ha Barmer jong ka jylla Rajasthan. Ka jingsiat namding bad ki drone na ka liang jong ka Pakistan, ka dang iai bteng hynnin ka miet ruh bad ka India ruh, ka la iakhun tyngeh, khlem aili satia.
La ioh khubor, ia ka jingbthei kaba jur ha Islamabad, Lahore, Shorkot, Jhang bad Rawalpindi ha Pakistan. Ka don ruh ka jingbthei ha Shorkot, kaba don hajan ka kad liengsuin ki shipai ha Rafiqui.
Kat haduh mynta ka sngi, ki don 32 tylli ki kad liengsuin, kiba ka India, ka la khang bad kitei kin treikam haduh ka 14tarik Jymmang 2025. Kitei ki kad liengsuin, ki kynthup ia ka
- Adhampur
- Ambala
- Amritsar
- Awantipur
- Bathinda
- Bhuj
- Bikaner
- Chandigarh
- Halwara
- Hindon
- Jaisalmer
- Jammu
- Jamnagar
- Jodhpur
- Kandla
- Kangra (Gaggal)
- Keshod
- Kishangarh
- Kullu Manali (Bhuntar)
- Leh
- Ludhiana
- Mundra
- Naliya
- Pathankot
- Patiala
- Porbandar
- Rajkot (Hirasar)
- Sarsawa
- Shimla
- Srinagar
- Thoise
- Uttarlai
Phi don ban ong eiei?