Ka Parliament, ka la thnam mynta ka sngi, na ka jing ia hylla ki MP, kiba dei na ka liang pyrshah, halor ka jing shah sngap tuh jong ki mobile phone jong ki nongialam liang pyrshah kiba bun bad ki nongthoh khubor ruh lane kaba ki ong ka Pegasus ishu.
Ka Rajya Sabbha, ka la hap sangeh ar sien, ha shwa ka por bam ja sngi bad la iathuh ba ki dkhot jong ka seng Congress, Trinamool Congress (TMC) bad ki seng left, ki la leit shapdeng jong ka iing bad kren pyrshah sorkar, ha kaba ki da rah ia ki plakad ha ki kti.
Ka Lok Sabbha ruh, ka la sangeh ha ka por mynstep, ha kaba la pynlong biang, haduh ka por 2baje nohsngi.
Ha kitei ki jingthoh, la thoh ba katba u paidlang ka Ri, u dang iap thngan, hynrei ka sorkar, ka nang bunkam ban nang syntiat ki nongialam bapher lane “jasoosi” (spying).
Ki don shibun ki nongialam kiba la shah sngap tuh ki telephone jongki, kiba kynthup ia U Rahul Gandhi, nangta sa shibun ki nongialam liang pyrshah, nangta U Abhishek Banerjee, MP, uba dei u pyrsa ka Mamata Banerjee bad shibun kiwei pat. Ki liang pyrshah, ki dawa ba dei ban pynhiar shuki shi syndon ia U Amit Shah, myntri kam poh iing ka sorkar India.
Nalor U Rahul Gandhi, ki don sa kiwei kiba shah sngap tuh ki telephone jongki bad kitei ki kynthup ia ki myntri ba mynta ka sorkar BJP, kum U Ashwini Vaishnaw, U Prahlad Singh Patel, nangta U Ashok Lavasa, u Chief elekshon commissioner barim ka India, nangta u stad ai jingkhein elekshon, U Prashant Kishor.
Phi don ban ong eiei?