Shillong 31 Klyngkot : U MLA ka Mylliem Constituency u bah Ronnie V Lyngdoh u la kyntu ia ki paidbah ka Ri-lum Khasi-Jaintia ba kin kyntait ia ka Voice of the People Party (VPP) namar ka rai ban tynruh ha kaban pyntreikam ia ka Article 371 hapoh ka Jylla Meghalaya lada kan shah jied ban wan ha ka bor. Haba iakren bad ki nongthoh khubor, u MLA ka Congress na Mylliem Bah Ronnie V Lyngdoh ula ong ba ka jing kren jong ka VPP ba lada ki wan ha ka bor, kin sa dawa ban pyntreikam ia ka Article 371 ka long ka bym shai namar ka la long thik Kum u briew ba kwah ia ka ing bad da la ioh kin thang pat ia ka . U Bah Ronnie ula ong ba dei ka Congress party kaba la ai ia ka Sixth Schedule ia ka Jylla Meghalaya bad haduh mynta, ka khyndew ka shyiap, ka riti ka dustur bad ka khaii ka pateng ki dei kiba la iada namar ka jingiohi jngai jong ki nongialam ka Congress lyngba ka Sixth Schedule.
U la bynrap ba ” lada ka Article 371 ka kham khlain bor ban ia ka Sixth Schedule, balei pat ba ka Ladakh ka dawa ban pyntreikam ia ka Sixth Schedule hapoh ka jaka jong ki”.
U bah Ronnie u la kdew ba ka jingshisha hi ka long ba ka Article 371 kan ym iada ia ka khaii ka pateng jong ki paid riewlum bad dei tang ka Sixthh Schedule ka kham khlain bor haba phai sha ka jingiada ia ki riewlum trai Jylla , ka khaii ka pateng, ka khyndew bad kiwei kiwei.
ula ong kumta ki paidbah ki dei ban kyrshan tylli ia ka Congress khnang ba kan lah ban dang pynkhlain shuh shuh ia ka Sixth Schedule ka Riti Synshar ka Ri.
U bah Ronnie V Lyngdoh u la ther tyngeh ruh ia ka VPP namar ka jingshim kylliang ia ki buit ka BJP ban shim kabu ia ka jingngeit niam jong ki paidbah.
“Kaei ka jingiapher hapdeng ka BJP bad ka VPP?. Baroh ar ki shim kabu ia ka jingsngew niam jong ki paidbah. Lada ngi kynnoh ia ka BJP ka shimkabu ia ka jingsngew niam, ka VPP ruh ka dei ia kaba hap kynnoh ba ka leh lang kumjuh” ula ong.
“Ngi lah beit ban kam ba ngi ieid Jaidynriew hynrei ki kam jong ngi kim dei ban kren da kumwei. Mynta phi kwah ban pynduh noh ia ka Sixth Schedule. Lada wan ka Article 371, ki Dorbar Shnong kin sa duh noh. Kumnp phi kam ba phi ieid Jaidbynriew. Ha kine ki 73 snem bala leit, ka Sixth Schedule kala ai jingiada ia ngi kumta balei ba ngin pynduh noh ia ka” ula ong.Halor ka kyrtong VPP na Mylliem u bah Ronnie u la ong ba kane ka kyrtong ka la ialam bakla ia u paidbah da ka ba kam ba ka la pule theology hynrei haba wad lyngba ka Affidavit ba i ialeh ia ka MLA election la lap ba I dei i ba la.pass tang klass XII. Kane ka Pyni ba lada I la nud ban thok ia u paidbah tang ban jop ngam tip shuh da I la jop in leh aiu " u la bynrap.
U Bah Ronnie ula leit ban synran ia ki kyrtong ka party kiba leit thep kyrteng hynne ka sngi ban iakhun ia ka elekshon MDC ba kynthup ia u Bah Banphiralang Basaiawmoit na Mylliem bad u Bah Manuel Badwar na Laitumkhrah-Malki
Dei congress m ba ai Article 370 ha poh Jammu and Kashmiri tad haduh ba u PM Modi u weng noh ha u 2018, kaei ba ja ha Ladakh ha ka Por ba don ka congress ha ka bor ka ju mlien ban ai jaka ia ki muslim ban pynduh jait ia ki nong ri lum na Ladakh bad Kane ka ja Kumjuh ha Assam ba Ka Congress ka ai camp is ki Muslim.
ka congress scam.
A – Adarsh scam
B-Bifirs scam
C-commonwealth game scam
D-Defense scam
E-Education scam
2 G scam and more