Guwahati: U Chowna Mein, symbud myntri rangbah ka Arunachal, ula pynbna paidbah, ba ula ngat ia ka khlam covid.
Ha ka fb jongu, ula thoh “Nga pyntip sha kito kiba ia don bynta bad nga, ba nga la ia shong syndah bad U Dani Salu ji, Secretary Transport, uba la ioh jingpang covid hynnin ka sngi. Nga shong jingialang bad u hynnin ka step bad janmiet ruh bad nga la ia leit jingleit lang bad u, ha ka 4tarik Kyllalyngkot. Kito kiba ia kynduh bad u lane bad nga, ha ki san, hynriew sngi ba ladep, kin phah leh test covid ialade”, ong U Chowna.
Ka Assam, ka la kiew stet biang, ha ka jingioh ia ka khlam covid, ha kaba hynnin ka sngi, ki don 2,198 ngut kiba ioh ia ka pang khlam covid ha katei ka jylla bad ka Kamrup (M) lane ka sor bah Guwahati, ka dei kaba bun bah kiba ioh pang, ha kaba ki don 760ngut ha katei ka jaka. Ki don 2ngut kiba iap bad ki don 319ngut kiba la leit shah sumar ha GMCH, ha ka sngi saitjain.
Phi don ban ong eiei?