Shillong 17 Rymphang: U bah Remington Pyngrope u MLA barim jong ka Mawkynrew konstitwensi u ba la kyrshan radbah ia u bah Kansing Lyngshiang ha kane ka ilekshon MDC ba mynta u la ong, ba u bah Ardent Millar Basawiamoit mynshwa u la niewbein ia ki nong Mawkynrew, hynrei mynta pat u wan ban pan ka Vote ban thep beit ha ka Voice of The People Party (VPP).
Ia kane u bah Remington Pyngrope u la pynpaw myn ha ka sngi saitjain ka ba dei ka sngi Ialap ilekshon, ban pynshai paidbah kumno ban jied Ia ki nongmihkhmat sha ka District Council, ka ba pynlong da ka shnong Lynshing ka ba hap hapoh ka Mawkynrew konstitwensi.
U la ong, ba ha u snem 2018 ba u lajop arsie na ka seng United Democratic Party (UDP), bad ka jingleit jongu ban iasnoh noh bad ka party National People Party (NPP) ha kato kapor kadei tang ka jingbym burom u president ka VPP ba mynta u bah Ardent bad ka jingñiew bein palat ia ki nongshong shnong ka Mawkynrew.
Ha ka jingialang jong ka seng Hills State People Democratic Party (HSPDP), United Democratic Party (UDP), ha kaba baroh ki MLA ki la iadonlang ha iingsah jong u president rangbah ba la khlad noh na ka seng UDP u Dr.Donkupar Roy, u bah Ardent u ong, ba um ithuh Ia ki nong Mawkynrew, katba mynta wan u sha Mawkynrew ban pan ka jingkyrshan, la ong u bah Remington.
U bah Remington u la ong ruh, ba hooid don ki ba kren ia ka jing phet seng, da kaba u ong, u Bah Ardent nyngkong u la ialeh na independent, ba ar na ka seng UDP ryngkat bad u, ba lai na ka seng HSPDP, basaw i leit kanbas nakabynta ka seng Congress bad hadien i seng da ka party lajong, jin lada i bah Ardent i neh ha ka party bym donkam thaw da ka party lajong, ki seng riewlum kin ioh khambun ki MLA.
Phi don ban ong eiei?