Ka khubor, kaba pyn lyngngoh ia kiba bun bad kata ka long ba U Bill Gates bad ka tnga jongu, ka Melinda Gates, ki la rai ban ia pyllait san shyieng noh bad na katei ka jing ia pyllait tnga, ka Melinda, kan kamai da billion dollar, na ka spah jong u tnga jongka, uba dei uba wan ba saw, ha ka jing bun spah tam ha ka pyrthei.
U Bill, uba dei u trai jong ka kompeni Microsoft, u don ia ka spah kaba $124billion, ula pyntip paidbah, ha ka peij jongu, ha ka twitter, ha kaba ula ong ba ki Gates, ki la rai ban pynkut noh ia kane ka jing ia dei shi tnga jongka. Katei ka rai, ka dei hadien ba ka tnga jongu, ka Melinda, ka iathuh ba ka jing ia poi kha bad u Bill, ka dei kaba da eh than shisha.
U Bill, u ong shuh shuh ba ki ia don lai ngut ki khun.
Ka Melinda, kham mynshwa, ka la ong ba ka jing ia shong kurim bad U Bill, ka dei kaba da eh shisha bad katei ka dei, hadien ba ki la ia poi kha, la 25 snem kynthih.
U Gates (64), ula ju dei u briew, uba riew spah tam ha ka pyrthei haduh u snem 2017 bad mynta, u wan ha ka kyrdan ba saw bad u don $124billion ka jingdon jingem jongu.
Phi don ban ong eiei?