Shillong:Ki don 13 ngut ki kyrtong kiba la leit ban thep kyrteng na ka bynta ban ia khun ia ka election shiteng samoi na ki lai tylli ki Assembly Constituency ka ban long ha ka 30 tarik mynta u bnai ha kane ka jylla Meghalaya.
Ha kine ki lai tylli ki Constituency kiba kynthup ka 13 -MawryngkengConstituency, ka 24-Mawphlang Constituency bad ka 47-Rajabala Constituency ka jingiakhun kan long hapdeng ki kyrtong jong ka National People Party(NPP), ka Congress ka United Democratic Party (UDP),ka Khun Hynniewtrep National Awakening Movement (KHNAM) bad ki kyrtong shimet.
Kiba la thep kyrteng ban ia khun na ka 13-Mawryngkeng (ST) Assembly Constituency ki long san ngut ki kyrtong,u bah Highlander Kharmalki na ka INC, bah Pyniaid Sing Syiem NPP, bah Erson Marwein KHNAM, bah Arbiangkam Kharsohmat bad u bah Norbert Marboh kum ki kyrtong shimet.
Na ka 24-Mawphlang (ST) Assembly Constuituency ki kyrtong ki ba ladep ban thep kyrteng ki long lai ngut, u bah Eugeneson Lyngdoh UDP, bah Kenedy Cornelius Khyriem INC bad u bah Lamphrang Blah na ka NPP.
Katba na ka 47-Rajabala, kiba la wan ban thep kyrteng ki long san ngut ki kyrtong,ki ban kynthup ia u MD. Abdus Saleh NPP, ka Hashina Yasmin Mondal INC, u Ashahel D Shira UDP, u Kingston B Marak BJP, bad u Carla R Sangma kum u kyrtong shimet.
Ka jingbishar bniah ia ki kot ki sla jong ki kyrtong kan long ha ka 11tarik Risaw 2021, bad ka tarik ba khatduh ban weng na ka jingiakhun ia ka ilekshon MLA shiteng samoi kan long ha ka 13tarik Risaw 2021 bad ka jingthep vote kan long ha ka 30tarik Risaw 2021.
Phi don ban ong eiei?