Ka sorkar Manipur, ha ka sngi saitjain ba ladep, ka la nang pynjlan por shuh ia ka jingkhang internet bad katei kan treikam haduh ka por 3baje janmiet jong ka 15tarik Jylliew 2023. Katei ka dei ka hukum, ba la pynmih da U T Ranjit Singh, Commissioner (Home). Haduh mynta, ka jingkhang internet ha Manipur, ka la tam ia ka shibnai pura. Khyndiat sngi mynshwa, ka Supreme Court, ka la kyntait ban iakren noh mar mar, ia ka jingujor, ha kaba iadei bad ka jingkhang internet lynter taid ha katei ka jylla, ba la ujor, da ki arngut ki trai shnong jong ka jylla.
Ka jingkhang internet, ha Manipur, ka la sdang, naduh ka 3tarik Jymmang, hadien ba ka la mih ka jing iakynad hapdeng ki jaitbynriew Meitei bad ki Kuki, hadien ka jingiaid paidbah jong ka ‘Tribal Solidarity March’ ha kaba la pynlong ha ki district rilum, ban pyrshah ia ka jingdawa jong ki Meitei, ban ithuh ia ki ruh, kum ki Scheduled Tribe (ST).
Kat haduh mynta, ki don 50,000ngut ki briew, kiba dang sah ha ki jaka rieh tngen ba shipor, ba la buh da ka sorkar jylla, ha ki 349 tylli ki jaka sah ha kylleng ka jylla.
Haduh mynta, ki don 100ngut kiba la iap bad sa 310ngut kiba mynsaw, ha ka jing iakynad ha Manipur.
Phi don ban ong eiei?