Shillong,8 Naitung:
Ki nongniah Trok hapoh ka lama jong ka Jaintia Hills Truck Owners’ and Drivers’ Association (JHTODA), ki la ai por hynriew sngi ia ka sorkar ba kan leh eiei halor ka jingkhang ka National Green Tribunal ban kit dewiong ha Jaintia.
“Ka NGT ka la ailad ban shalan ia u dewiong uba la dep sei shabar, hynrei ka sorkar kam leh eiei halor katei ka bynta” ong u President ka JHTODA u bah Balen Thubru, uba la ong ba lada ka sorkar kam lah ban leh eiei katkum ka jingdawa jong ki , na ka liang jong ki kin shim ia ki lad ki lynti da lade hi ban leh eiei.
Ia katei ka seng ki nongniah trok ka la shim ha ka jingialang kaba la long ha ka lah sngi u blei ha phra mer, katei ka seng ka la ong ruh ba ka jingkhang tih dewiong bad shalan dewiong ka NGT ka la ktah jur ia ki trai par dewiong bad kumjuh ruh ia ki trai trok bad ki nongniah trok, bad ka la kynthoh ba lada jia ka jingiap thngan ka sorkar ka dei ban shim ia ka jingkitkhlieh.
Phi don ban ong eiei?