Shillong: U Director of Health Service, u Dr. Aman War u la iathuh ba kiba ioh thymmai ia u khñiang jingpang coronavirus ha ka jylla ki la don 58 ngut, bad haduh mynta kiba don ia une u khñiang jingpang ha ka jylla ki la don 2,047 ngut.
Ha East Khasi Hills District ki don 45 ngut, ha East Garo Hills ki don 2 ngut, ha East Jaintia Hills ki don 4 ngut, ha Ri Bhoi ki don 5 ngut, ha South West Garo Hills i don iwei bad ha West Jaintia Hills i don iwei.
La iathuh ba na kine ki 2,047 ngut, ha East Khasi Hills ki don 1,471 ngut kiba kynthup 187 ngut ki armed forces bad 1,284 ngut ki riewpaidbah, ha West Khasi Hills District ki don 13 ngut, ha South West Khasi Hills ki don 6 ngut, ha Ri Bhoi district ki don 136 ngut kiba kynthup 42 ngut ki armed forces bad 94 ngut ki riewpaidbah, ha West Jaintia Hills district ki don 9 ngut , ha East Jaintia Hills district ki don 274 ngut, ha West Garo Hills district ki don 107 ngut, ha South West Garo Hills district ki don 15 ngut, ha South Garo hills ki don 6 ngut, ha East Garo Hills district ki don 6 ngut bad ha North Garo Hills district ki don 4 ngut.
Kiba la koit na u khñiang jingpang coronavirus mynta ka sngi ki la don haduh 179 ngut. Na kine ki 179 ngut, iwei I dei na East Garo Hills, 3 ngut na East Jaintia Hills, 141 ngut na East Khasi Hills kiba kynthup 58 ngut na ki armed forces bad 83 ki riewpaidbah, 22 na West Garo Hills kiba kynthup 11 ngut na ki armed forces bad 11 ngut ki riewpaidbah, 8 ngut na Ri Bhoi, 2 ngut na South Garo Hills bad 2 ngut na West Jaintia Hills. Baroh kiba la koit ki long 2,706 ngut.
Baroh kiba la khlad ki la don 38 ngut tad haduh mynta ka sngi.
Ki sample kiba ladep phah test ki long 1,35,571, kiba paw negative ki long 1,30,096 bad ki resol ba dang ap ki long kumba 684.
Phi don ban ong eiei?