Shillong: Ka Deputy Commissioner jong ka South West Khasi Hills District ka kong C Kharkongor, ka iathuh ba la phah tohkit, halor ka jingorpait ki jaka thep ia ki jaboh ba mih na u uranium ha thain Domiasiat.
Na ka liang jong ka DC ka la iathuh ba ia mynta ym pat lah ban ong ei ei, katba ym pat ioh ia ka kaiphot bad la iathuh ba U Magistrate u la leit mynta ka sngi ban leit jurip ban lap ia ka jingshisha halor ka jingmih khubor ba ka don kata ka jingtuid ka um sha bar na ki jaka thep ia ki jaboh Uranium.
Ka la ong “Mynta ka sngi nga la phah ia u Magistrate bad ia u Additional Superintendent ki pulit ba kin leit jurip bha ban tip la ka don shisha ne em kata ka jingorpait jong ki jaka thep ia u Uranium, ia mynta ngam pat lah ban ong ei ei katba ngam pat ioh ia ka kaiphot”.
La iathuh ba ki pulit kiba la leit mynnin ka sngi, ki la leit sha duh jaka ba don ki jaka thep ia jaboh kiba la mih na u Uranium bad kat kum ka jingiathuh jong ki la ong ba kam don kata ka jinglait shabar kata ka um na ki jaka thep ia ki jaboh na u Uranium bad ha katei ka jingleit ki pulit, kil a ia kynduh ruh ia ki trai jaka kiba la aiwai ia katei ka khyndew.
Phi don ban ong eiei?