Shillong: Ki dkhot jong ka Hynniewtrep Achik National Movement Pynursla Circle ki la wan ban ia kynduh ia u Myntri ka tnad ka koit ka khiah u bah Alexander L Hek ban kyrpad ban thung shuh ia ki Doctor ha PHC Pongtung ha ka ba kane ka PHC ka ai ia ka jingshakri ia ki 42 tylli ki shnong bad don tang u wei u Doctor u ban sumar bad kane ka buh jingeh ia ki nongshong shnong ka tei ka thain.
Haba ia kren bad ki ladpathai khubor na ka liang jong u President ka HANM Pynursla Circle u samla Vicky Nelson Marbaniang u la iathuh ba haduh mynta ka ne ka PHC ka ba don ha Pongtung ka ai ia ka jingshakri ia ki 42 tylli ki shnong ki ba ia jan bad ka ne ka PHC don tang u wei u doctor bad kane ka buh ia ka jingeh ia ki nongshong shnong kane ka thain.
U la ong ruh ba ha PHC pongtung halor ba don tang iwei i doctor bad wat ki kali Ambulance ruh ka don ka tang kawei ka ba buh ia ka jingeh ka ba khraw ia ki nongshong shnong kane ka thain.
Kumta na ka liang ka Seng ki la wan ban ia kynduh ia u myntri ka tnad ka koit ka khiah ban thung noh sa uwei u doctor na ka bynta ka ne ka PHC. U la buh ruh ka jingkyrpat ia u Symbud myntri rangbah ka Jylla u bah Prestone Tynsong u ba dei ruh u MLA ka ne ka thain ban phai khmat lang sha kane ka Constituency, namar ka ne ka thain ka hap ha ki thain khappud bad ka don bun ki jingeh ha ka ba ki surok ki don la duh na ka jingiaid jong ki truck ki ba iaid ban leh khaii ia u dewiong,halor ka jingshem jyjar ia ki khynnah halor ka jingpan adhar Card jong ki bank na ka bynta ki khynnah ki ba kwah ban plie account na ka bynta ka Scholarship bad halor ka jingbym don ia ki network mobile halor ka jingpule online.
Phi don ban ong eiei?