Shillong: Ka HITO, ka la thoh sha ka Deputy Commissioner, Ri Bhoi District, Nongpoh, ha kaba ka kyrpad ban plie noh ia ki iew ki hat.
Katei ka shithi, jong ka seng, ka kyrpad ia ka DC, ban shah ban plie lad iaki nongrep ban iadie iathied khnang ban kyntiew biang ia ka ioh ka kot jong ki nongrep bad ki nongshong iew jong ka District hi baroh kawei.
La kyrpad ruh, ban plie noh iaki iew bhoi Umsning, Mawhati, umroi, Byrni, Nongpoh bad Umden, namar ka jingkhang sah haduh mynta kam don jingmut shuh, namar ia ki iew surok la shah ban plie man ka sngi, ka Iew Shillong Iewduh ruh la plie, ka Police Bazar (P.B) bad kiwei kiwei. La ong shuh “Balei yn khang sah ia ki Iew bhoi, balei don Corona tang ha iew bhoi mo?”.
Ka seng, ka ong shuh shuh, ba dei ban ailad noh ia ki paidbah ban kamai bad im biang kumba juh long.
Phi don ban ong eiei?