Shillong,14 Naitung:
Ki nongtrei bylla hapoh ka skhim MNREGS ki la kynnoh ba u Gram Sevak bad u Secretary ki la bam ei ia ka bainong ki nongbylla 100 sngi, bad ki la ujor ia kane sha u BDO. Katei ka jingjia ka la jia ha West Garo Hills ha ka shnong Sil kata, kaba hap hapoh ka Salsella Block.
Ki nongtrei bylla kiba don kumba 350 ngut kiba bylla hapoh ka skhim MNREGA, ki la iathu hba u Gram Sevak bad u Secretary ki la sei ia ka bainong ba ki la trei kaba long 14 sngi, hyn rei la siew pat sha ki tang 4 sngi shiteng kaba la kot tang T.700 tyng ka, katba ka bainong jong ki pat ka long haduh T.2030 tyngka.
U Gram Sevak katei ka Block uba dei peit ia katei ka shnong u dei uba la tip kyrteng kum u Hussain Ali Sheikh katba u Secretary VEC pat u dei u Sofiqul Islam, u BDO u dei u D.Roy. La iathuh ba kitei ki nongbylla ki dei kiba trei ia ka jingtrei kaba dei na bynta ban shna ia ar tylli ki surok shnong hapoh katei ka shnong kiba la kot sha ka T.19, 78,380 bad T. 19, 82,380 tyngka.
Ki la don ki nongbylla kiba la iathu ba ki la trei haduh 14 sngi katba ki la io bainong tang 4 sngi shiteng, ki la don pat kiba la kam ba ki la trei haduh 22 sngi bad la soi tuh ia ka kyrteng jong ki bad la sei lut ia ki bainong, ki la iathuh ruh ba ha ka kot sei bainong ki la don ki kyrteng jong ki briew ba la iap ruh.
Ha kaba iadei bad katei ka jingujor na ka liang u BDO ka Salsella u la ong ba haduh mynta u dang phah ia ki ophisar ban tohkit halor katei ka jingkynnoh bad haduh mynta u la iathuh ba ki dang lap ba ki dang don tang 10 ngut ki nongbylla ki bym shym la ioh hok ia ka bainong jong ki.
Phi don ban ong eiei?