Shillong:U nongaiktien jong ka seng Congress, u Zenith M Sangma, u la kynnoh ba ha ka tnad pynmih bor ding, ka la jyllei ka jyrsih bad kum ka seng Congress, ka dawa ba dei ban phah tohkit ha ka Central Bureau Investigation (CBI).
Haba kren ha ki lad pathai khubor myn hynnin ka sngi ha Congress Bhavan Shillong, u la kynnoh ba ka la don ka jingleh bakla na ka liang jong ka sorkar ha kaba khot tender ha kaba ia dei bad ka kam ‘Smart Metter” kaba la bei pisa da ka Asian Development Bank (ADB) kaba la kot sha ka T.200/- klur bad kane ka jingkhot ka long 18% palat ia ka dor kaba la buh kaba mut ka la tam da T. 36 klur tyngka.
U tei u nongai ktien ka party Congress u la kynnoh shuh shuh ba kane ka sorkar kaba mynta ka la shna ia ki kyndon ha kata ka rukom ba kiwei kin nym lah ban thep tender bad tang kawei ka kompeni kaba lah ban thep bad ban pynthikna ba ka dei ban ioh ia kane ka kam kontrak.
Haba ia dei bad ka jingmap da 100% ia ka sut ba ki kompeni ki siew slem ia ka bai light na ka liang jong ka party congress ka don ka jingsuba kaba jur ba kane ruh ka lah ban dei kawei na ki jyrsih, lada ka dei ka jingmap tang ia ki paidbah ka congress kan nym don ei ei ban ong la ong ba da kane ka polisi kaba kane ka sorkar ka shim mynta kan don ka jingduh kumba T.700/- klur ia ka MeECL.
La ong ba ka dor jong ka bai light ia ki karkhana ka long T.6.20 tyngka shi unit bad ki karkhana ki leit ban ujor sha Regulatory Commission bad ha dien ka jingiakren la pynhiar sha ka T.4.90 /- bad kane ka jingleh ka sorkar kan ktah ia ki paidbah ha kine ki sngi ban sa wan.
U Zenith M Sangma, u pynkynmaw ia kaei kaba u la kren ruh ia kiwei kiwei ki skhim hapoh ka iing dorbar ha kane ka dorbar synrai kaba dang shu dep shen, ha kaba u ong ba kum ka party kam leh ban shu peit, u la ong ba ka ain ka don ia ka kti kaba jrong bad kine ki briew kiba don kti, kin nym lah ban lait na ka, dei halor kane ba ka party Congress ka dawa ba dei ban phah tohkit ha ka CBI.
U la ong ba kane ka dei ka jingbam klop (scam) namar ba ka jing ailad ban thep ban pyntrei kam (tender) ki la dei ban leh lang baroh ki,la dei ban ailad ia ki ba bun ki suppliers ban ia shim bynta lang ha ka ba ka jingbuh jingkylli ia ka jingpynlut phut jong ka pisa T.36 klur kan ym don.
Ha kaba ka jylla kadang don hapdeng ka jingkyrduh pisa bad ka jylla ka dang jynjar wat ban siew ia ka tulop jong ki nongtrei ha ki ba bun ki tnad bad ha ka tnad power, ka MeECL ruh kam shem la lah ban siew ia ka tulop ia ki nongtrei jong ka haduh mynta, kane ka pisa ba ki la leh ban pynlut phut tang namar ka jingrhah spah jong ki katto katne.
Halor ka Deen Dayal Updya Yojana phase I and II, ki la pynthymmai da kaba ki la pynkiew ia ka jingpyntrei bad ia kane la leh khlem ka jing mynjur jong ka funding agency – the rural electrification corporation limited. Ki la dep ban pynheh sha ka Rs 30 crore na ka bynta ka ne ka kam ba ki la dep pynjlan. Ka T.30 klur ki la dep ban pynkiew ha ka ba ka 15 % kan ai na ka jylla bad 85% kan ai da ka sorkar Jylla bad haba khein ia ka 15 percent na ka Rs 30 klur , kan poi sha ka 4.5 crore.Ha kawei ka kam Rs 30 crore bad na kane Rs 4.5 crore ha kaba ka ne ka sorkar ka la ioh ban lute ia ki briew jong ka jylla.
“Nga ladep kren halor ka Ganol Small Hydro Power Project ha ka ba ki la pynmang tam Rs 151 crore ha ka ba ki la dep ban mang pynthymmai .Ia ka ne la dep ban phah sha ka PAC ha ka ba lyngba ka sub committee kala leit ban jurip ia ka Garo Hills bad halor ka ne ka mat la dei ban rah ruh ha ka ingdorbar thawain ka ba ladep, nga la dep ban submitted ha ka submission lyngba ka cut motion bad ha ka kynta ba la buh ia ka jingkylli wat la ha ka to ka por ngam shem la ioh ia ka jubab ka ba thikna na ka sorkar Jylla” ong U Zenith.
“Halor ka Saubhagya scheme ka ba la buh ha ka special motion wat la nga khlem ioh ia ka jubab na ka sorkar. Ha ka ba u myntri u ba dei peit u la jubab tang khynniat. Ha ka jingpyntrei ia ka Saubhagya scheme na ka bynta ki jingtrei infrastructure – la ai ha ki 2 tylli ki company ki ba heh bad na ka bynta ki kam barit la aiti ha ki 100 ngut ki local contractors” ong U Sangma. Ha kaba ia ka jingpyntrei infrastructural component ka ba la ai ha ki 2 tylli ki company ba heh ki ba dei na shabar ka jylla, la ai ia ki 51 % ka ba tam dor ia ka SOR bad ia ki 100 ngut ki local contractors la ai katkum ka SOR.Ka SOR ka ba ki la aiti sha kine ki Company bad sha kine ki Contrator ka dei na ka bynta u juh u snem. Hynrei ka jingkylli ka long ba haba ia ki local contractors la lah ban ai kat kum ka SOR balei na ka bynta ka jingpyntrei ia ka infrastructural component la ai tamdor haduh 51 % na ka SOR.Ha ba ki la pynkiew sha ka 51%, ka pisa ka lapoi sha ka T.180 crore ba kin hap ban siew. Ha ka Ganol power project Rs 151 crore, hapoh ka Suabhagya scheme Rs 180 crore, ha ka ADB fundcsmart meters supply kumba Rs 36 crore bad ha ka Deen Dayal Rs 4.5 cro ki la shu mang ia ka pisa ka ban long kum ka jingpynlut phut ia ka pisa jong u paidbah.
Phi don ban ong eiei?