U Satyendra Garg, Joint Secretary ka sorkar India, ba peit ia ka thain shatei lam mihngi, u kren shai ba ka sorkar India, ka la rai ban pynkut noh ia ka jing ia kajia pud hapdeng ka Assam bad ka Mizoram, ha U Lber jong u snem 2021.
U Garg, uba don mynta ha Mizoram, u ia kynduh ia U Lat ka Jylla, U PS Sreedharan Pillai, ia U Zoramthanga, myntri rangbah ka Jylla bad ia U Chief Secretary ka sorkar Jylla bad nangta ia ki sengbhalang bapher, ban iakren halor katei ka jing ia kajia kam pud hapdeng ka Mizoram bad ka Assam.
Haba kren sha ki kotkhubor, U Garg, u kren shai ba ka sorkar India, ka la kut jingmut ban wan rah noh ia ka jing ia beit halor u pud u sam hapdeng ka Mizoram bad ka Assam.
“Ngin poi sha ka rai kaba neh shi junom. Nga kyrmen ba kane ka jing ia kajia pud hapdeng ka Mizoram bad ka Assam, kan kut noh ha U Lber jong u snem, u ban wan” ong U Garg.
Phi don ban ong eiei?