Shillong, 9 Naitung:
Ki paidbah ki hap ban ieng lain kumba ap tiket sinema ban sei pisa ha SBI, Bank namar bym don ka Auto Trailer Machine (ATM) ka SBi ha Patharkhmah, ki hap ban ieng lain da ki phew kynta.
Ki paidbah ki ieng lain ban ap la ka pali ryngkat ka bah la ki khun kaba long thik kumba iaknieh tiket sinema nalor ka jaka kaba khim sa ka jingbun briew kiba wan donkam ban thep ne sei pisa. Teng teng ki hap ban pynlut por ar lai sngi haba ki donkam ban sei pisa na katei ka bank.
Kawei pat ka jingeh ba ki paidbah ki iakynduh haba ki leit ban sei pisa, la ong ba katei ka bank kam ju don pisa jan man ka por bad namar kane, ki hap ban pynlut por kumba lai saw sngi ban pyndep ia ka kam.
Ki paidbah ki la kyntu ia ki heh ka SBI kan buh da ki ATM ha ka Patharkhmah branch kumba leh ha kiwei ki jaka bad kumjuh ruh ban pynheh shuh shuh ia katei ka ophis jong ka khnang ba ki paidbah kin suk haba ki leit ban pyndep ia ki kam ki jam jongki ha katei ka bank.
Hynrei na ka liang ki nongtrei katei ka bank ki la pynpaw ba ki shem jingeh ban pynbiang ia ki paidbah namar ba ki nongtrei ki dang duna kumta ki kyntu ia ki paidbah paidbah ban iai shah shitom lem shipor.
Iathuh ba ki nongtrei ha ki don tang kumba 6 ngut ki staff kynthup ia u Branch Manager, lai ngut cashier uwei field phisar bad u chawkidar.
Phi don ban ong eiei?