Kong Linda Kongwang
Baroh ki ri ka pyrthei ki tip bad sngewthuh ba ha kine ki sngi ki don hapdeng ka jingsyier bad her mynsiem halor ka jingtriem jong ka jingpang khlam (coronavirus) kaba sar lut iaka pyrthei hi baroh kawei. Kadei ka khlam kaba shyrkhei bha kaba ktah palat daki phew phew lak ngut ki briew bad haduh mynta shim iaka jingim jong ki phew hajar ngut ki briew. Kadei ka jait jingpang kaba sdang shuwa na ri China haki katto katne bnai ba la dep, naduh kata ka por ka sdang ban saphriang sha kiwei pat ki ri jong ka pyrthei kaba pynshaiong ngaiñ iabaroh ka pyrthei namar ka jingpur sted jong u ne u khñiang jingpang kaba ym lah ban teh lakam shuh haduh mynta.
Kaei kadaw kaba la pynlong ban shah ktah na u khñiang jingpang Covid-19:— Kat kum ka jingshem jongki stad wadbniah, ki iathuh ba nyngkong eh u briew u ioh iakane ka jingpang Corona naka jingktah bad bam iaki doh mrad kiba pang kiba don jingshitom bad mong haka met bad nangne ka sdang ban saphriang na u briew sha u briew, na kawei ka ri sha kawei pat bad sha kylleng ka pyrthei. Ka Covid-19 ka lah ban saphriang lyngba ka jing iakynduh bad ki briew ba ialang kynhun khamtam haba don lypa kiba shah ktah na u ne u khniang jingpang da kaba jyrhoh ne synriah. Kalah ruh ban iabit haba bat ne ktah ia kiei kiei kiba la ktah da ki briew kiba shah ktah ne iabit na kiwei.
Ki ei ki dak ki shin ki ba mih haba shahktah na u coronavirus?:— Ka shimpor haduh 14 sngi lane ar taiew ban ithuh iaki dak ki shin jong kane ka jingpang. Hapdeng kine ki ar taiew lada phi shahktah na u ne u khñiang jingpang, ki dak ki shin kilah ban paw kynthup iaka:–
- Ka jingkhieshit lynter
- Jyrhoh khlem sangeh
- Dap shadem
- Mih ummut
- Jynjar ban ring bad pynhiar mynsiem.
Kito kiba tlot ka bormet bad kiba bam duna ia kaba dei ban bam ki kham shahktah kloi haba ia nujor bad kito kiba khlaiñ ban bam. Katkum ka jingwadbniah bala shem daki nongpule, haduh mynta kham bun kiba shah ktah kidei kiba lah heh rta ne kiba 50 snem shaneng, hynrei katto katne ki dei iaki khynnah ruh. Yn dang bteng
Phi don ban ong eiei?