Ka jylla Telangana, ka dei ka jylla, kaba kiew bha, ka jingioh kamai shimet jong u briew

Ka jylla Telangana, ka la don mynta la 9 snem kynthih bad ha kine ki 9 snem, la iohi, ba ka ioh ka kot jong katei ka jylla, ka nang tam shibun, ban ia kaba ka long ka Andhra Pradesh, kaba dei ka jylla, kaba la phiah ruh ia ka Telangana. Ka jingioh kamai shimet jong ki nongshong shnong, ka kiew bha, ha kine ki 9 snem ba ladep, ha kaba ha u snem 2014-15, ka jingioh kamai jong u briew shimet, ka long T.1.01 lak, katba ka Andhra Pradesh, ha katei ka snem, ka long T.79,174. Ha u snem 2022-23, ka jingioh kamai, ka Telangana, ka kiew sha ka T.1.69 lak ha ka shisnem, katba ka Andhra Pradesh, ka kiew sha ka T.1.24 lak bad kaba tam shibun, ia ka jingioh kamai ha India baroh kawei, kaba long T.98,374.

Ka Telangana, ka dei na ki 10 tylli ki jylla jong ka India, kaba kiew bha ha ka ioh ka kot, ha u snem 2020-21 bad ha katei ka snem, ka kynthup ia ka Delhi, Gujarat, Haryana, Karnataka, and Tamil Nadu, kiba kham kiew, ka jingioh kamai ia katei ka jylla. Wat la ka Telangana, ka kiew ha ka kamai kajih, hynrei ki don ki jaka kiba kham kiew ka jingioh kamai ha katei ka jylla, kum ka Rangareddy, Sangaredddy, Mahabubnagar bad ka Medchal-Malkajgiri bad ka jingioh kamai shimet jong u briew, ha Rangareddy, ka long T.4.19 ha ka shisnem, katba ha district Vikarabad, kaba don marjan, ka don ka jingioh kamai, kaba long T.78,032, katba kum ka jingai jingkhein jong ka Telangana State Statistical Abstract 2022.