Ka Confederation of Meghalaya Social Organisation ka kwah ban pynkynmaw ia ka sorkar Jylla Meghalaya ka pynkynmaw ba kumno kumno ha une u bnai Risaw ka sorkar ka dei ban wanrah noh ia ILP system ha ka Jylla Meghalaya bad ngi khmih lyngti ba kan leh ia ka ei kaba ka la kular ba kan tynsat bad pynrung ia ki bor jong ka ILP ha ka Meghalaya residential safety and security Act.
Ka CoMSO ka la long kaba la pynkhreh ban ia treilang lang bad ka sorkar ban pynbeit bad pynjanai ia ki Rules kumno ban pyntreikam ia ka ILP ha ka Jylla bad ha kajuh ka por ngi la long ruh kiba la pynkhreh ban pynlong ki jingiakhih ba tyngeh lada ka sorkar ka dang buhteng ia kane ka kam . Ngi la leh la ka bynta ban ai jingmut bad ban ai por ia ka sorkar ba kan leh ia kaba donkam bad mynta ka kam ka sah sa ha ka sorkar.
Ha kine ki khyndiat sngi , na ka liang ka CoMSO ka la ia kynduh ia ki Minister , ki Nongialam jong ki kynhun ba don ha ka sorkar bad kumjuh ruh wat ia ki MLA ki don ha ka opposition. Ngi la pynsngew ha ki ba ka Jylla ka la donkam kyrkieh ia ka ILP khamtam eh hadien ba ka Assam ka la dep ban pynbna ia ka thup kyrteng ha ka NRC bad ha u bnai December kan kut ka por ban ailad ia ki poiwir ban iasaid na bynta ia lade. Kumjuh ruh na ka daw ba Ka sorkar kmie hapoh ka jingialam ka BJP ki la Rai kut ban pyntreikam noh ia ka CAB.
U Amit Shah (Union Home minister ) hadien ba u wan na Mizoram u la kren shai ba ia ki lai tylli ki jylla ba don ia ka ILP, yn buh kyndon kyrpang ia ki ha ka Cab ban lait ka jingrung ki poiwir . Ka mut ka sorkar kmie kan burom tang ia ki jylla kiba dang burom ia lade bad kiba dang kwah ban iada ia lade na ka jingrung ki poiwir , Ia kito ki jylla ba ka shyntur ka pyrshah CAB katba ki kam pat ki iada poiwir mynderri ka BJP imat kan nym map ban Kan pyntreikam beit ia ka CAB ha Kita ki jylla.. U Amit shah u kwah ban phah ka khubor ba lada ki jylla ki kwah ban lait na ka CAB ki jylla kin pyntreikam noh ia ka ILP. Te ka Meghalaya ka dei ban kyndit ban pyntreikam noh mardor ia ka ILP ban lait na ka CAB bad ka kti ki poiwir ki mynderri.
Ka Jylla Manipur ka la dep pass ia ka Manipur people protection Bill 2018, ka Assam nalor ka NRC Mynta ka dang pynkhreh shait shait ban ia kren lyngba ka High level committee halor ka clause 6 Jong ka Assam Accord kumno ban iada ia ki Trai Ri bad wat ka trai muluk ka Tripura ki dang pynrhem ka Jingdawa ia ka Twipraland ( ka jylla ki Riewlum ) la ka Jong. Kine ki jylla ki la pynpaw Shai ba ki dang kwah ban iada ia ki Riewlum . Katba sah ka long ba sa ka Meghalaya Kan pynpaw ki Kam Jong ka ba Ka dang kwah ban iohi ba ia ka jylla yn dang longtrai bad dang synshar da ki Trai Ri lajong .
Kam don jing iapher ban shah synshar ha ki Barri na Bangladesh Lane ha ki heh paid poiwir bar jylla . Ngin long hi ki mraw ha la ka Ri Lada ngi la shah tyllep noh ha ki poiwir .Te Lada ka sorkar ka pyrshah ia CAB ka dei ban pyntreikam noh ia ka ILP namar ka jingpyrshah ia ka CAB bad ka jingpyntreikam ia ka ILP ka mih na ka juh ka sain pyrkhat bad kata ka long ban iada ia ki Trai Ri ha la ka RI.
Khublei shibun
Sd/
Robertjune Kharjahrin
Chairman
COMSO
Phi don ban ong eiei?