Nongstoin, 15 Nailur:
Hadien ba ki pulit ka Nongstoin ki la ioh ia ka jingujor na ka kong Mesilda Marbaniang, kaba dei ruh ka kmie jong ka khynnah 15 snem kaba la shah leh be i jot ha ki 6 ngut ki dakaid ha kawei na ki jaka ha ka shnong Myriaw, kaba la jia ruh ha ka 11 tarik mynta u bnai, ki pulit ki la pynlong ia ka jingthwet kaba jur ban ioh kem ia kitei ki dakaid.
Shuh shuh da ka jingtrei shitom jong ki pulit ka Nongstoin, mynta ka sngi ki pulit jong ka Nongstoin police Station, ki la ioh ban kem noh ia ki 7 ngut ki dakaid kiba don kti ban leh ia ka kam pap kam sang ia katei ka samla kaba dang 15 snem ka arta.
Na ka liang jong u SP ka West Khasi Hills bah S. Nongtnger haba ia kren bad ki nongthoh khubor mynta ka janmiet u la ong ba ia kitei ki 7 ngut ki dakaid la tip kyrteng kum u Dionstar Marngar 16 snem, u Rickystar Marngar 18 snem, Poiningstar Marngar 18 snem, Nisphirlang Marngar 16 snem, Khwardingstar Marngar 16,snem, Claverstain Marngar bad u Shaitstar Marngar 19 snem.
U SP u la iathuh ruh ba kitei baroh ki dakaid ki la phla ba ki la leh ia katei ka kam bad baroh 7 ngut ki dei kiba na ka shnong Mawkohmoit kaba hap hapoh ka shnong Myriaw West Khasi Hills District.
Na ka liang jong ki pulit ki la register case pyrshah ia ki case NO 84(9)2016 U/S 9(g)/10 of POCSO ACT, hadien pat la aiti noh sha kashari.
Phi don ban ong eiei?