Shillong, 13 Iaiong:
Ka dei ka jingjia kaba phylla ha kaba ka dur u Jisu Krist kaba lawah ha kawei na ki kynroh skul ka St.Peter’s Higher Secondary School kam shym la lei lei wat hadien ba ka ding kaba klang ka la bamduh ingsah ki nongtrei jong katei ka skulbad kumjuh ruh mar shiteng na ka ing skul.
Katei ka dur Jisu ka dei kaba la wah ha kawei ka kynroh katba tawiar jong ka baroh kiwei pat ki tirar ki tar kila ingkhong lut , nalor katei ka dur ka la don pat sa ka kynja duwan kaba la shna hapoh katei ka jaka bad katei ka duwan ruh kam lei lei watla ka ding ka la bam naphang ia kiwei pat ki tiar ki tar kiba don sawdong jong ka.
Ha ka por 4 baje eiei mynstep ka jaka sah u Prinicipal bad ka jaka sah ki nongtrei ka St.Peter’s ka la kem ding bad katei ka ding ka la pur shaduh sha skul bad mar shiteng ka ing skulka la ing. Katkum ka jingiathuh u Chowkidar katei ka skul u la ong ba ka ding ka la sdang na ing shet jingshet bad ka la pur ter ter bad tang mar ia iohi ia ka ding u la ong ba u la pyrta briew ban pan jingiarap hynrei ka dei ka por ba ki briew baroh ki dang iohthiah lyngngai. La pyntip pulit ha ka por 4:12 minit bad tang hadien kumba katto katne por ki kali pynlip ding kumba 10 tylli eiei kila poi ha katei ka jaka.
Kala don ka jingjulor kaba jur ha katei ka jingpluh katei ka skul,bad ia ki khynnah skul ruh la ai shuti noh bad la wah ha ka jaka wah jingtip jong katei ka skulba yn pynlong skul pat ia ki khynnah ha ka 17 tarik mynta u bnai.Tang mar ia ioh jingtip ia katei ka jingjia ki khynnah skul kim shym lawan skulshuh mynta ka sngi hynrei kila don bunbah ki kmie ki kpa jong ki khynnah skul kiba la wan peit ia katei ka jingjia ha ka por mynsngi.La iathuh ba tang mar ia jia katei ka jingjia u Principal katei ka skul, u la phet noh na katei ka jaka bad ki nongthohkhubor kim shym la ioh ban ia kynduh ia u,ki pulit ki la wan ban tohkit ia katei ka jingjia bad ki la song ruh katto katne tylli ki tiar hapoh plastik ban leh ia ka Forensic. Ha katei ka jingjia u Chowkidar u la iathuh ba ki tyndong buiam kiba don ha ing shetja ki la bthei lut. Kam shym la don kano kano ka jingmynsaw. Ka la don ka jingsuba katei ka skul shimet jong u Peter Thorose ka la kem ding na ka daw ka jingthud ka bording ilektrik.
Phi don ban ong eiei?