Shillong, 27 Naiwieng:
Mynta ka step ki pulit ka Sohra bad Shella PS ki la pynlong ka jingkhynra ia ki bar jylla kiba wan shong be-ain ha kane ka jylla ki bym don ia ki kot ki sla kiba biang ban pynshisha ioh ki dei kiba wan shu poi wir na kiwei pat ki jaka.
Ki pulit ka Shella PS ki la ioh bat 68 ngut ki bar jylla na ki jaka bapher bapher jong ka thain Shella kum na Jungle para, Wahlong, ki bynta jong ka Dalda, Shella, Mustoh, ha katei ka jingleit khynra ki pulit ki la lap ba kitei ki 68 ngut ki la lah ban pynshisha ialade lyngba ki kot ki sla ba ki la wanrah.
Kumjuh ruh ki pulit ka Sohra PS ki la bat 55 ngut ki nongbylla kiba trei hapoh ka jaka ba dang tei ia ka NIT kaba don ha Kut madan bad kiwei pat ki jaka bad la wanrah ia ki sha Sohra PS, hynrei haba la peit bniah ia ki kot ki sla ki pulit ki la lap ba baroh ki biang lut bad la pyllait noh ia ki. U SDPO Sohra u bah Ian Swer u la ong ba katei ka jingkhynra bar jylla ka dei katkum ka Anti Infiltration and Verification drive ia ki nongwan buhai shnong be-ain.
Phi don ban ong eiei?