Shillong,16 Iaiong:
Ka seng lehnoh ka Hynniewtrep National Liberation Council(HNLC)ka la byrngem ia ki khar Nepali ba ki dei ban mih noh shisyndon na kane ka bri u Hynniewtrep, Khasi bad Jaintia. Kane ka jing byrngem na ka HNLC ka la mih dei na ki jingjia kiba ki Khasi kiba shong ba sah ha ki thain ka Langpih, Block I Block II ki la shah thombor katba ngangmih ki sngi ha ki khar Nepali kiba la ioh jingkyrshan na ka sorkar Assam kaba la khein ia ki kum ka ktem pynjop elekshon(Vote Bank).
Ka HNLC ka la pyn paw ruh ka jingsngew khia halor ka jingshah thombor kaba la poi sha duh u pud ka jingshah pyniap ki Khasi ha kine ki snem kiba la leit ha kitei ki thain, ka kyrwoh na u Publicity Secretary ka HNLC u bah Sainkupar Nongtraw ka la ong “Ka HNLC ka la pynmih ia ka hukum ba baroh ki Khar Nepali na Langpih bad kumjuh ruh na baroh ki District ka Khasi bad Jaintia Hills ba kin mih noh naduh ba mih kane ka khubor”.
Ka HNLC ka la kyn tu ruh ia baroh ki seng bhalang ba kin ia tylli ban shimkhia ia katei ka phang ba ka seng ka la pynmih na bynta ka jing bha jingmiat ka bri u Hynniew trep. Ka la kam ruh ba ka seng ka la io bun ki jingujor na ki paidbah ba shong ba sah ha Block I&II ba kynthup ia ka shnong madanm umwang, umthlieh,umsalang, ba ki briew ki la shah pyntieng da ki kynhun lehnoh ka Karbi bad ki briew jong ka Karbi ha kane ka elekshon bad kumjuh ruh ha kip or ba mynshuwa. Ka la pynpaw ruh ba ka katkum ka jingujor ki briew ha katei ka thain ki la shah dawa pisa na ki kynhun lehnoh ka Karbi, ka kyrwoh na ka HNLC ka la kam ba ka seng kam lah ban shah ia ka jingwan tuklar da ki kynhun kiba na bar ha kaba ha ka jaka ba kin nion ia ka sorkar Assam ki leh pynban ia ki briew jong kane ka jylla.
Ka HNLC ka la ai jingiaroh ruh ia ka Synjuk ki Rangbah Shnong Raid Nongtung, kiba la pyni ia ka jingshlur jong ki kiba la pyni ia ka nuksa kaba bha, ka la pynpaw ruh ka jingkyrshan ia ka KSU North Khasi Hills kaba la kyrshan ia ki briew lajong.
“Ka la dei ka por ia ki samla ka Block I&II ba kin wan ban pyniasoh bad ka seng ban iada ia ka khyndew ka shyiap jong ki na ka jingwan tuklar ki briew kiba na bar” ong ka kyrwoh na u bah Sainkupar Nongtraw.
Phi don ban ong eiei?