Nongpoh: U Bah Sosthenes Sohtun, MLA Jirang, hynnin ka sngi U Blei, u la leit ban shah Test COVID-19 ialade hapoh ka Screening Centre for COVID-19 kaba don ha Lum Nongthymmai Byrnihat, Ri Bhoi, ia kaba u la shah test ialade lyngba ka RTPCR Test.
Katei ka jingleit shah Test utei u Nongmihkhamt ka Jirang Constituency, ka dei halor ka nongrim ba u kwah ban pynthikna ialade la u la shah ktah ne em ha ka khlam COVID-19, namar u dei u nongmihkham uba pdiang sngewbha haba ki briew ki kwah ban kynduh ia u bad khamtam eh ba u dei u Nongmihkhmat na ka thain kaba iajan eh bad ka Assam.
Ka Report ka ban sa mih bad ka ban sa batai ba u MLA Jirang, u la shah ktah ne em ha ka Khlam COVID-19 kan sa mih hadien arsngi na katei ka sngi kaba u leit ban shah Test ialade.
Utei u MLA ka Jirang, u la kyntu ia ki paidbah ba kim dei ban lehrain ne sngewpoh ialade haba ki leit ban shah Test ialade, hynrei haba ki sngewpher ha ka met ka phad ka jong ki, ki dei ban leit mar mar sha ki jaka sumar, na ka bynta ban phah Test ialade.
Phi don ban ong eiei?