Nongpoh, 13 Nailur:
Da ka jingthmu ban rat dyngkhong ia ka jingsahdien jong ki shnong ha ki thain Shakoikuna ba khappud bad ka Assam, hynnin ka sngi ki rangbah shnong, ki secretary shnong lem bad ki riew rangbah jong ki 6 tylli ki shnong ha katei ka thain thain, ki la seng ia kawei ka seng ia kaba la tip kum ka Shakhoikuna Area of Interstate Border Development Organization (SAIBDO).
Ia kane ka seng la pynskhem hynnin ka sngi ha ka jingialang kaba la long ha Iing Durbar Hall Shakoikuna, ha kaba la wan ban iashim bynta da ki Hynriew tylli ki shnong ba kynthup ia ka shnong Shakhoikuna, Umdaprngi, Umjong, Umdap Dumu, Pamsohbar lem bad ka shnong Khongwing.
Ka jingthmu jong kane ka seng ka long ban peit ha baroh ki liang jong ka roi ka par bad ki mat ba hakhmat eh ba katei ka seng ka la buh, ka long ban peit haba iadei bad ki lynti ki synkien ne ki surok, ki jaka sumar paidbah, ki skul, ka bording ilektrik lem bad kiwei kiwei, namar kumba ka long mynta katei ka thain ka dang dei ka ja kaba dang sahdien ha baroh ki liang, haba ianujor bad kiwei ki shnong ha ka District.
Ki nongkitkam ba pura jong SAIBDO, ki kthup ia u Bah Liander Nongshli, kum u Chairman, Vice Chairman, Bah Cleophas Thre Nongrum, General Secretary Bah Laurence Nongrum, Asst. Secretary Bah Alexander Maring, Finace Bah Johnpaul Maring, Asst. Finance Secretary Bah Buren Maring, Publicity Secretary Bah Vincent Maring, Asst. Publicity Bah Jaibet Maring, Orgnising Bah John Makri, Education Secretary Bah Gabriel Makrin bad u Bah Henry Nongrum kum u Senior Adiviser.
Kumta, na ka bynta ban kyntiew ia ka roi ka par ha katei ka thain, ka seng ka la rai ruh ban leit iakynduh ia u MP ka Shillong Parliamentary Seat, u Ma Vincent Pala bad ia u Dr. D.D Lapang, MLA ka Nongpoh Constituency, ban kyntu ia ki haba iadei bad ban kyntiew ia ka roi ka par ha katei ka thain.
Phi don ban ong eiei?