Shillong, 16 Nailur:
Ka Myntri ka tnad pule puthi ka jylla ka Deborah Marak ka la ong ba na ki 101 tylli ki skul ba pan jing mynjur na ka sorkar ha baroh kawei ka East Khasi Hills, ki don tang 44 tylli kiba la dep ai ka sorkar.
Haba jubab ia ka jingkylli ba la wanrah da u MLA ka Sohra mynta ka sngi hapoh ka iing dorbar, ka Myntri ka la ong ba ia kiwei ki skul ba dang sah, kan shong ha ka bor jong ka Regional Committee ban bishar biang.
Ka la ong ba kane ka komiti kan sa shong jingialang biang shen ban bishar ia ki jingdonkam ha kaba iadei bad ka jingpan jing mynjur jong ki skul na ka bynta une u snem 2016.
Ka la iathuh ba na kine kiba la dep ai jingmynjur, ki don tang kawei ka skul ba hap ha Sohra kontitwensi ba la ai permishon bad kata ka dei ka Village Dorbar Hr Secondary kaba don ha shnong Swer.
Phi don ban ong eiei?