Shillong: Ka hukum, kaba la pynmih mynta ka sngi, da ka Deputy Commissioner, East Khasi hills, ka pynbna paidbah, ba ka rukom iaid ki kali ha East Khasi hills, kan sdang naduh ka por 5baje mynstep, haduh ka por 10baje mynmiet bad katei kan sdang, naduh ka 18tarik Naiwieng, 2021.
Lyngba katei ka hukum, la shah ia ki kali praibed, ba kin ia mih lut noh baroh bad kumjuh ia ki kali paidbah ruh, ha kaba la ailad ba kin ia mih kamai lut khoit man ka sngi; tangba la bthah ia u nongniah kali, ba un da pyni thikna ia ka jingthoh, ba la dep ne bym pat dep injek iada covid.
La bthah ia ki nongniah kali, ba kin deng da ka double mask lane ka N-95 bad katei ka trei kam ruh ia kiba iaid ha ki kali praibed. La khang ruh ban dih sikret, ban bam bad ban weng ia ki mask, haba shong kali.
Phi don ban ong eiei?