Scholar Lawriniang Nongthliew WKH
Tang ban pynbiang ki khun ba thngan,
Ngi shah u slap ka sngi;
Ngim kheiñ watla shong ha madan,
Ban pyndap bam ia ki.
Tangba ngin im kyndoi ja kpoh,
Ngi shong hapoh Motphran;
Pynban ngi la shah beh baroh,
Haba sorkar ka wan.
Shano ngin leit ? shano ngin phai?
Ha kum kane ka por;
Mano ka bam ia ngi ban ai?
Satang ummat ki tlor.
Khyndiat haba nga ioh ban ia kynduh bad ki Longkmie baieit eh ka ri khasi jong ngi kiba ju shong die jingdie ha madan ha kylleng ka sor shillong, na ka por sha ka por ki ju bynniaw ia ka jingshah beh jong ki khala khala ha ki bor sorkar, don bun kiba jaw ummat ia kane ka jingshah beh jong ki. Bad ki pynpaw haba ngi wan hangne ngi wan ban wad la ka bylla kitnong kaba hok ban kamai kyndoi jakpoh katba ioh ei da kaba shong die madan ban bsa ia ki khun hynrei bunsien pat haba ki bor sorkar ki wan ki beh noh ia ngi. Ngi wan shong hangne na ka bynta bam im ban ioh ja ym ba wan leh kam runar eiei. Kane ka jingpynpaw ki longkmie ka la pynpyrkhat bad pynjaw ummat ruh ia kiba bun ba lang.
Don kiba ong ba ka sorkar ka leh ia kaei kaei kaba long shilliang khmat? Ia ngi ki khasi ka nud ban beh ban pyntwa wat ia ki dukan hynrei ia ka jong u dkhar pat ka shu sngap men men kum u ñianglong ha sop ba khih tang ka jingshong. Ki da ong ruh, Hato phi lah mo ban weng lut ia ki dkhar ba shong die madan ha thain Umsohsun? Lada ia ki dkhar ban shong die madan phim lah ban beh lut, Hato ia ngi ki trai ri trai muluk kam don hok seh mo ban shong hangne? Ngi kynmaw ha ki 4 bnai ba la dep ba ki bor sorkar ki la pynpra noh ia ki dukan khasi ba shong die jingdie ha rud surok byepass ( Lad Umroi) Hato phi la nud mo ban pynpra ia ka them motor kumba pynpra ia ki dukan khasi? Kane ka dei ka jingkren bynñiaw ki longkmie khasi ba im kamai ja kpoh na kaba die madan. Ki la bynrap ruh da kaba ong ba kane ka rukom leh ka sorkar ka la paw tyngkrein ki kam leh shilliang khmat.
Hooid sngewkhia shisha halor kane ka bynta ba la pynpaw da ki ba bun ki nongshong die madan, Kumta shikyntien bad arkyntien nga kyntu ia ka sorkar ba kan thaw lad lem ia ki jaka na ka bynta kine ki nongdie madan, khnang ba kine ki longkmie kiba ju im kamai ja kpoh ban pyndap ia la ka iing ka sem kin ym kynduh mawsiang ha ka kam barit jong ki. Namar lada na ka por sha ka por ka long kumne ka pynduh mynsiem ia ki ha ka kam ka jam jong ki, kumta haba beh ia ki na ka jaka ba shong die jingdie dei ban ai bujli ruh kawei ka jaka ba kin shong die laitluid. Bad ha ka juh ka por nga buh ruh ka jingkyntu ia ki bor sorkar haba leh ia kano kano ka dei ban kham pynnoh khynndiat ia tarajur sha ki trai ri trai muluk, namar kumba ka paw mynta ka tarajur sorkar kam long kaba biang jingthew ha ba iadei bad kine ki nongshong die madan.
Sanboklangwar says
Sngewsynei bha tang lehkumno ken namr hap pyrkhat ruh ia ka jingshngain bd kadei kaei ba kren kine kine ba die madan ba lehse ka sorkar ka lh kum leh shiliang hi tang ha ka por kane corona te bapli kin hap bn iaishah…Ngin hap shu buh bd kyrshan bt ha ki jingduai ha u Blei..