Nongstoin, 10 Rymphang:
Ki kynhun leh noh ba la tip kum ka United Garo Security Force ka kynhun ba don tang kumba 6 ngut ki dkhot hynnin ka janmiet kila wan sha ka shnong Dobakdrop WKH, ha ryngkat ki suloi AK 47 bad Carbine bad kitei ki runar kiba la wan poi ha katei ka shnong ha ka por 8:30 PM ki la rahbor ruh ia u wei u nonghikai skul jong katei ka shnong.
Katkum ka khubor na ki heh pulit jong ka District la iathuh ruh ba ia u tei u nonghikai bala shah rahbor la tip kum u Sengaram Marak na ka shnong Dobakdrop bad kitei ki kaikhlaw kila rah ia utei u nonghikai shaphang jong ka shnong Aberam.
Shuh shuh na ka liang jong ki bor pulit mar ia ioh jingtip halor katei ka jingjia hynnin ka miet kila pynlong ia ka jingkhynra kaba jur bha ha ki thain Malangkona bad ha katei ka miet ki pulit kila ioh ban kem noh ia uTenseng Marakbad ia u Aldrin marak kiba na ka shnong Dobakdrop kiba ia don kti lang ha katei ka kam rahbor.
Na ka liang jong ki pulit ka Aradonga mynta ka janmiet kila bteng biang ia ka jingkhynra ka jong ki sa sha ka thain Nonghawei bad ha katei kapor kitei ki kynhun runar mar ia iohi ia ka kali jong ki pulit kila sdang ban her krad bad ki pulit ruh ki la beh kthong ia kitei ki runar bad ha katei ka jingjia ki pulit kila ioh ban pyllait im noh ia u tei u nonghikai skul.
Ym tang ki pulit kila ioh ruh ban kem noh ia u wei u snar jong katei ka kynhun kaba don tang 6 ngut na ki ha ryngkat 3 tylli ki suloi AK, kawei ka carbine bad 3 tylli ki pistol bad na ka liang jong ki pulit ki dang pyrshang tyngeh ban pynduh noh ia katei ka kynhun.
Phi don ban ong eiei?